دلشدگان

دلبر برفت و دل شدگان را خبر نکرد یاد حریف شهر و رفیق سفر نکرد

دلشدگان

دلبر برفت و دل شدگان را خبر نکرد یاد حریف شهر و رفیق سفر نکرد

اولموشام ای گل جمالین شمعینه پروانه من

نصرت کسمنلی 

 

اولموشام ای گل جمالین شمعینه پروانه من

عشقین ترکین قیلمارام اود ایچره یانه یانه من

 

چوخ خیال زلفینه مجنون اولانلار گورمیشه م

گورمه دیم عالمده ئوز کونلوم کیمی دیوانه من

 

بیلمه دیم بیگانه لر ایگ ل نه سحر اوتدی سنی

دوشموشه م گوزدن یانیندا اولموشام بیگانه من

 

شانه سی مندن

سن زلفین آچ توک اوزونه شانه سی مندن

زنجیری نشان وئر منه دیوانه سی مندن

 

سن عاشقی یاندیرماقا من یانماقا ماییل

سن شمعینی گوستر منه پروانه سی مندن

 

زلفون قدری عاشق اولان وار سنه ای گل

سن سویله او مجنونلاری افسانه سی مندن

 

سر مست گوزون فتنه لبین نشئه لی باده

ایچدیر منه اول باده نی پیمانه سی مندن

 

سن نازیله گل کی صدفین قیمتی آرتسین

گوزیاشی کیمی اینجیسی دردانه سی مندن

 

هردم گوتور اوزدن گوزه لیم افعی زلفین

چک ظاهره گنجینه نی ویرانه سی مندن

 

واحد می ی ترک ائتمک اوچون پیر مغانین

رنجیده اولوب بیر نئچه مستانه سی مندن

علی آقا واحد

منـی وادار الیـئن

فمنـی وادار الیـئن  یـازمـاقـا باعـث غمـدور

اورکیمـده اینـانـون غـم اوزی بیـر عالمدور

چوخلو من سعی ائلدیم اوندان اولام بلکه اوزاق

غصه میز بیش اولوب شادلیقیمز چوخ کمدور

غـم پـوزار  اوزده  اگـر اولسـا تبسـم نقـشی

هـارا  اوء رخنه ائـدر  اوردا  اینـان ماتمـدور

آیـرو دوشمـز نجه گور بیزدن اودا بیر لحظه

بی وفالیـق ائـلین سیـز گوروسوز  آدمـدور

                                                                آراز

بخش هایی از حیدر بابابیه سلام(شاهکار استاد شهریار)

حیدربابا ، دوْنیا یالان دوْنیادى

سلیماننان ، نوحدان قالان دوْنیادى

اوغول دوْغان ، درده سالان دوْنیادى

هر کیمسَیه هر نه وئریب ، آلیبدى

افلاطوننان بیر قورى آد قالیبدى


حیدربابا ، یار و یولداش دؤندوْلر

بیر-بیر منى چؤلده قوْیوب ، چؤندوْلر

چشمه لریم ، چیراخلاریم ، سؤندوْلر

یامان یئرده گؤن دؤندى ، آخشام اوْلدى

دوْنیا منه خرابه شام اوْلدى


عم اوْغلینان گئدن گئجه قیپچاغا

آى کى چیخدى ، آتلار گلدى اوْیناغا

دیرماشیردیق ، داغلان آشیردیق داغا

مش ممى خان گؤى آتینى اوْیناتدى

تفنگینى آشیردى ، شاققیلداتدى

...

منیم آتام سفره لى بیر کیشییدى

ائل الیندن توتماق اوْنون ایشییدى

گؤزللرین آخره قالمیشییدى

اوْننان سوْرا دؤنرگه لر دؤنوْبلر

محبّتین چیراخلارى سؤنوْبلر

...

بیر سوْروشون بو قارقینمیش فلکدن

نه ایستیوْر بو قوردوغى کلکدن ؟

دینه گئچیرت اولدوزلارى الکدن

قوْى تؤکوْلسوْن ، بو یئر اوْزى داغیلسین

بو شیطانلیق قورقوسى بیر ییغیلسین

بیر اوچئیدیم بو چیرپینان یئلینن

باغلاشئیدیم داغدان آشان سئلینن

آغلاشئیدیم اوزاق دوْشَن ائلینن

بیر گؤرئیدیم آیریلیغى کیم سالدى

اؤلکه میزده کیم قیریلدى ، کیم قالدى


من سنون تک داغا سالدیم نَفَسى

سنده قئیتر ، گوْیلره سال بوسَسى

بایقوشوندا دار اوْلماسین قفسى

بوردا بیر شئر داردا قالیب ، باغیریر

مروّت سیز انسانلارى چاغیریر

حیدربابا ، غیرت قانون قاینارکن

قره قوشلار سنَّن قوْپوپ ، قالخارکن

اوْ سیلدیریم داشلارینان اوْینارکن

قوْزان ، منیم همّتیمى اوْردا گؤر

اوردان اَییل ، قامتیمى داردا گؤر

بهجت آباد خاطره سی(شهریار)

اولدوز سایاراق گوزله میشم هرگئجه یاری

گج گلمه ده دیر یار ٬ یئنه اولموش گئجه ٬ یاری

گوزلر آسیلی ٬یوخ نه قارالتی ٬ نه ده بیرسس

باتمیش قولاغیم ٬ گورنه دوشور مکده دی داری

بیر قوش " آییغام ! " سویلیه رک ٬ گاهدان اییلده ر

گاهدان اونودا یئل دئیه لای -لای هوش آپاری

یاتمیش هامی ٬ بیر آللاه اویاقدیر ٬ داها بیرمن

مندن آشاغی کیمسه یوخ ٬ اوندان دا یوخاری

قورخوم بودی یار گلمه یه ٬ بیردن یاریلا صبح

باغریم یاریلار ٬ صبحوم آچیلما ٬ سنی تاری!